मुख्यमन्त्री कप भलिबल : स्याङ्जा दोस्रो, उपाधि तनहुँलाई ।

पोखरा :

प्रथम मुख्यमन्त्री कप गण्डकी प्रदेश स्तरीय भलिबल प्रतियोगिताको पुरुषतर्फको प्रतियोगिता तनहुँले जितेको छ ।

शनिबार पोखरा रंगशालामा भएको फाइनल खेलमा स्याङ्जालाई ३–२ को सेटमा हराउँदै तनहुँले उपाधि जितेको हो ।

फाइनल खेल निकै प्रतिस्पर्धात्मक बनेको थियो । स्याङ्जाले पहिलो सेटमा तनहुँलाई २३–२५ को सेटमा हराएको थियो ।

दोस्रो र तेस्रो सेटमा तनहुँले २५–१७ र २५–२० को जित निकाल्न सक्यो । चौंथो सेटमा भने तनहुँ २५–१७ ले पराजित भयो । अन्तिम सेटमा तनहुँले १५–११ को जित निकाल्दै उपाधि उचाल्यो ।

महिलातर्फको उपाधि भने म्याग्दीले जितेको छ । राष्ट्रिय टोलीकी कप्तान अरुणा शाही र कमला पुन सहभागि म्याग्दीले पर्वतलाई फाइनलमा ३–० को सोझो सेटमा हरायो ।

तनहुँ र म्याग्दीले नगद २÷२ लाख प्राप्त गरे । उपविजेता बनेका स्याङ्जा र पर्वतले नगद १ लाख रुपैयाँ प्राप्त गरे ।

प्रतियोगितामा ९ टोलीको सहभागिता थियो । गोरखा र मनाङले प्रतियोगितामा विविध कारण देखाउँदै नाम निकालेका थिए ।

राधाकृष्ण डुम्रे

उहाले लेखेका समाचारहरु

यस समुदाहिक चेतना मंच द्वारा संचालित नेपाल सेरोफेरोको राधाकृष्ण डुम्रे नेपाल सेरोफेरोका प्रधान सम्पादक हुनुन्छ उहा बिगत ३ दसकदेखि नेपाल पत्रकारिता क्षेत्रमा उल्लेखनिय योगदान गर्दै नेपाल पत्रकार महासंघ स्यांग्जाको जिम्मेवारी समेत निर्वाह गरिसक्नु भएको छ