ब्यवसायीलाई मालबस्तु तथा ढुवानी साधन अनुगमन प्रणाली सम्बन्धी अन्तरक्रिया

भवानी अधिकारी/स्याङजा :

स्याङजाका उद्योग तथा ब्यापार ब्यवासायीलाई लक्षित गर्दै मालबस्तु तथा ढुवानी साधन अनुगमन प्रणाली सम्बन्धी शुक्रवार स्याङजा सदरमुकाममा अन्तरक्रिया सम्पन्न भएको छ ।

स्याङजा जिल्ला उद्योग वाणिज्य संघ र राजश्व अनुसन्धान कार्यालय बुटवलको संयुक्त आयोजनामा  अन्तरक्रिया गरिएको हो । 

अन्तरक्रियाको उदघाटन गर्दे नेपाल उद्योग वाणिज्य महासंघका केन्द्रीय सदस्य बिक्रान्तकुमार श्रेष्ठ सुवर्णले आफना ब्यवसायको दायरा बमोजिमका कर तथा राजश्व राज्यलाई तिरेर स्वच्छ ब्यवसायी बन्नु पर्ने बताउनुभयो । हामी ब्यवसायी  कर तिर्नका लागि तयार छौं र तिर्दै आएको पनि बताउदै उहाले नियत र नियतीलाई राज्यले बुझ्नु पर्नेमा उहाको भनाई थियो । 

कार्यक्रममा राजश्व कार्यालयका अनुसन्धान अधिकृत धनेश्वर अर्यालले मालबस्तु तथा ढुवानी साधन अनुगमन प्रणाली सम्बन्धी कार्यपत्र पस्तुत गर्दे ब्यवसायी प्रयोजनका लागि प्यान र भ्याटमा दर्ता भएका सबै ब्यवसायी यस प्रणाली अनुरुप काम गर्नुपर्ने बताउनुभयो । अनलाईन मार्फत आफना सामानको विवरण सूचित गर्दै आफना ब्यवसायलाई पारदर्शि बनाउन सुझाव दिनुभयो । 

कार्यक्रममा पूर्व अध्यक्ष नवराज सुवेदी, पूर्व द्धिद्धिय उपाध्यक्ष श्यामकाजी अभिकारी डिलर एशोसियशनका अध्यक्ष खिमानन्द पराजुली लगायतले ब्यवसायीले आफुलाई प्राबिधिक कुरामा जानकारी गराउदै समयानुसार अघि बढ्नु पर्नेमा जोड दिनुभएको थियो । 

उद्योग वाणिज्य संघ स्याङजाका अध्यक्ष रविन्द्रमान श्रेष्ठको अध्यक्षतामा सम्पन्न कार्यक्रममा वरिष्ठ उपाध्यक्ष हिक्मत श्रेष्ठले स्वागत तृतीय उपाध्यक्ष सुनिता पौडेलले धन्यवाद एवं महासचिव रामचन्द्र नेपालले संचालन गर्नुभएको थियो। 


 


राधाकृष्ण डुम्रे

उहाले लेखेका समाचारहरु

यस समुदाहिक चेतना मंच द्वारा संचालित नेपाल सेरोफेरोको राधाकृष्ण डुम्रे नेपाल सेरोफेरोका प्रधान सम्पादक हुनुन्छ उहा बिगत ३ दसकदेखि नेपाल पत्रकारिता क्षेत्रमा उल्लेखनिय योगदान गर्दै नेपाल पत्रकार महासंघ स्यांग्जाको जिम्मेवारी समेत निर्वाह गरिसक्नु भएको छ